किनमेल केन्द्र 
‘बेबिज डे आउट’
काठमाडौँको हात्तीसारमा दुई महिनाअघि खुलेको ‘बेबिज डे आउट’ भर्खरै जन्मिएका नवजात शिशुदेखि पाँच वर्षसम्मका बच्चाका लागि चाहिने सम्पूर्ण सामग्री पाइने पसल हो । ध्रुव मैनाली र लता मैनालीले सञ्चालन गरेको यो पसलमा बच्चाका साथै गर्भवती महिलाका लागि उपयुक्त हुने कपडा पनि पाइन्छ ।

बैंकमा जागिर गर्दागर्दै ‘फरक खालको व्यवसाय गरौँ’ भन्ने लागेर बेबिज डे आउट सञ्चालन गरेको ध्रुव बताउँछन् । काठमाडौँमा थुप्रै सपिङ मल र किनमेल केन्द्र भए पनि बच्चा तथा गर्भवती महिलाका लागि चाहिने सामग्री एउटै छानोमुनि पाउने पसलको अभाव देखेर नै बेबिज डे आउट खोल्ने आइडिया आएको उनी बताउँछन् । 

भुइँतलामा रहेको यो पसल बालबालिकामैत्री छ । पसलसँगै रेस्टुरेन्ट र बच्चाका लागि खेल्ने ठाउँ पनि छ । बच्चाका लागि ‘बर्थ डे पार्टी’ देखि गर्भवती महिलाका लागि ‘बेबी सावर’ अर्थात् दही चिउरा खुवाउने कार्यक्रमसम्म यहाँ आयोजना गरिने सञ्चालक मैनाली बताउँछन् । बच्चाका लागि चाहिने करिब सय आइटम यो पसलमा उपलब्ध छन् ।