लेखक मार्क ट्वेनको जीवनमा पुच्छ्रेताराको अनौठो संयोग

writer

सम्पूर्ण

शनिबार, १५ चैत २०७६


अमेरिकी लेखक मार्क ट्वेनको जीवनमा एउटा पुच्छ्रेताराको अनौठो संयोग जोडिएको थियो । हरेक ७५ वर्षमा देखिने हेलीको पुच्छ्रेतारा सन् १८३५ मा देखिएको केही समयपछि मार्क ट्वेन त्यही साल जन्मेका थिए । 

अमेरिकी आधुनिक साहित्यको जन्मदाता मानिइने उपन्यास ‘हकलबेरी फिन’का लेखक ट्वेनले सन् १९०९ मा एक लेखमार्फत आफ्नो मृत्युको भविष्यवाणी गरेका थिए । अब्बल व्यंग्यकार उनले लेखेका थिए, ‘म हेलीको पुच्छ्रेतारासँगै सन् १८३५ मा जन्मिएको थिएँ । अर्काे वर्ष अर्थात् सन् १९१० मा यो पुच्छ्रेतारा फेरि देखिँदै छ । म पनि यस पुच्छ्रेतारासँगै संसारबाट बिदा हुनेछु । यसो भएन भने यो मेरो जिन्दगीको सबैभन्दा ठूलो निराशा हुनेछ । ईश्वरले मलाई हेलीको पुच्छ्रेतारासँगै माथि बोलाउने बताएका छन् । उनले मलाई भनेका छन्, ‘दुई गैरजिम्मेवार सन्की प्राणी सँगै आएका थिए । यी दुई जान पनि सँगै जानेछन् ।’ 

नभन्दै सन् १९१० मा हेलीको पुच्छे्रतारा देखिएको केही समयपछि नै महान् लेखक ट्वेनको निधन भयो । उनको जन्म र मृत्युमा पुच्छ्रेताराको यो संयोग अनौठो थियो । 

तपाईको कमेन्ट